ACRIDOPHAGI

ACRIDOPHAGI

Aethiopiae populi, deserto contermini: veris tempore, flante Zephyrô et Libyco, locustas permagnas artificiose capfunt, quas sase superinfusô dituius servant; Hic est solus eorum per omne tempus locustarum victus: neque enim pecora nutriunt, neque pisices edunt, procul a mari positi, neque ullum aliud vitae adminiculum habent. Corpore leves sunt, veloces cursu, et vitae brevis, ut qui longissime vivunt, quadragesimum non excedant annum: finis eorum non solum mirabilis est, sed etiam incredibilis: nam propinquante senectâ pediculi alati, non solum visu varii, sed specie horridi ac turpes in corporibus nati, ventrem primo, tum pectus deinde, totum corpus parvô tempore exedunt: qui morbum patitur, primum veluti scabiei cuiusdam pruritu allectus, corpus scalpit, voluptate simul et dolore perceptis, deinde exorientibus pediculis, simul effluente sanie, morbi acerbitate ac dolore percitus, unguibus magno cum gemitu corpus lacerat: tanta vero vermium copia effluit, aliis super alios tamquam ex perforato vase scaturientibus, ut deleri nequeant: et hôc pactô sive cibi, sive aeris causâ miserum sortiuntur vitae finem. Vide Diodor. Sic. l. 3. c. 3. et 29. de rebus antiquis, Agatarchidem, et Strab. 1. 16. Plinius de similibus in Parthia populis loquitur, l. 11. c. 29. De aliis in Libya, Hieron. l. 2. contra Iovinian. et comment. in Iohan o. 4. De S. Ioh. Baptista, vide Matth. c. 3. v. 4. et quae supra dicta.